王灝兒（JW）與關楚耀今日到銅鑼灣拍檔舉行音樂會，推動廣東歌文化，關楚耀指難得香港有一個平台能夠讓本地歌手合作演出，身為廣東歌手一份子，當然要支持。

JW噚日因腸胃炎又痾又胃，要臨時取消喺另一個場合獻唱，佢話：「噚日做訪問時想笑都笑唔出，之後返去即刻睇醫生，瞓咗一日好好多。」佢指男友(葉韋彤)都病咗，但男友身體比自己強壯，情況唔似佢咁嚴重，但兩人同樣都瘦咗七磅，問到男友瘦咗七磅係咪靚仔咗？佢笑說：「佢係咪都咁靚仔。」JW向醫生透露因為食魚生出事，醫生會通告衛生署，但佢自己已經私下通知所有朋友唔好去食魚生。

關楚耀將於五月喺麥花臣場館開騷，原來佢三年無開騷，好多謝公司尊重佢決定今年將工作重點偏重於音樂上。近日練歌兼開始密密狂操，問到目標想操到點？佢話：「首先要增磅，因為我一向都係食極唔長肉，所以要先增十磅，然後再操先有成果。」

精選娛聞，喺晒《娛果》
http://fb.com/appledailyent