當年今日
關於我們

【想公平畀分】謝安琪做評判唔想有前設 賽前刻意唔睇《造星II》

蘋果日報 2019/12/15 21:02

謝安琪霍汶希林珊珊全民造星II

ViuTV節目《全民造星II》總決賽,今晚假將軍澳邵氏影城舉行,英皇高層霍汶希(Mani)、寰亞藝人管理有限公司高級總裁林珊珊及香港電視娛樂有限公司董事兼總經理魯庭暉及謝安琪均以評判身份出席。
擔任評判之一謝安琪(Kay),指很久以前已獲邀擔任評判,而事前她刻意不看比賽:「唔睇原因想公平去畀分,唔想帶太多前設,邊個大熱我都唔知道,我亦冇問,但星級導師陳潔靈同火火有向我推薦幾位,例如Oscar Li跳現代舞夠特別,Justin最年輕但最有實力,仲有MC係好有經驗busker。」至於Kay準則如何?她說:「觀眾可能睇跳唱能力,但我作為表演者心態會唔同啲,睇佢哋演出心態有冇趣味,表演自己啲乜,睇佢當下最耀眼一刻。」
至於Mani則表示有看過參賽者演出,問到身為評判的她覺得,《造星》有甚麼準則時,她說:「藝人除咗外形之外,亦都要好有觀眾緣,未必要靚仔靚女,最重要係人品,所以我旗下嘅藝人我都會同佢哋見面、傾偈。」提到她並未與一眾參賽者閒聊,未必知道對方人品,Mani就話:「所以佢哋要盡情表現自己,今次選偶像,所以我都叫咗幾個同事嚟幫吓眼。」
至於勝出者將會加盟ViuTV,問Mani會否故意把分數評低給予自己的心水人選,她說:「係呀,我有諗過,呢條係好橋,不過就唔公道,魯生(魯庭暉)同我講就算三甲,大家都可以一齊合作。」
採訪:黃曉妍、攝影:林賓尼
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
(攝影:仇志德)
empty
(左起)霍汶希、林珊珊及謝安琪,今日以評判身份出席《造星II》。
empty
謝安琪指賽前刻意不看比賽。
empty
Mani指藝人除了外形及觀眾緣外,人品亦要好。