胡杏兒、官恩娜、賈曉晨、文詠珊、陳曉東、張文慈及陳煒等，前晚到尖沙嘴海港城出席一間髮型屋的新店開張，本來汪明荃也答應捧場，但最後爽約。

眾女星均打扮性感，其中JaniceMan紅色吊帶低胸裝打扮，甚為省鏡。Ella也不示弱，一身白色露肩兼露背裙；中女一族陳煒和張文慈也不甘示弱，同樣露香肩。至於胡杏兒則較為趣致，因為她穿上一件短袖黑白波波裙配黑色絲襪，頭繫紅白大蝴蝶結，她表示與該髮型屋老闆相熟，故特來捧場。
JaniceMan的火辣低胸look十分香艷，她說：「件衫買咗好耐，覺得𠵱家適合着咪着囉，我唔係要走性感路線，着衫要視乎場合。不過我覺得自己唔夠豐滿，好在我唔係用身材嚟做賣點，我只係形象春青啫。」問她嫌自己身材不夠豐滿，會否想去隆胸？她說：「我怕痛，而且男友都唔鍾意啦，佢講過鍾意女友自然啲。」

Ella的戰裙是出自本港時裝設計師的大作，對於有人批評她最近的樣子很殘，她說：「因為多嘢做，我𠵱家29歲，心理狀態keep到就OK，𠵱家事業行先。」談及追求者，她表示未有人追求，她覺得女藝人在娛圈的時間很短，而且好男人都早已心有所屬。
採訪：張俊銘
攝影：林德雄