如果有100歲嘅話，25歲可以話已經過咗人生四份之一，咁25歲前都可以講仲係好青春，不過好似韓國女團Girl's Day嘅惠利咁，佢今個月9號就剛剛踏入24歲，仲係好後生，但原來惠利已經出道成8年，即係16歲已經出道，可以話唔少新女團嘅師姐。

而由惠利、申東燁、朴娜萊、SHINee嘅Key等主持嘅tvN節目《驚人的週六》噚日播出最新一集，當中就請來新女團fromis_9嘅18歲成員李娜炅上來做嘉賓，當中李娜炅喺現場就話自己從小學起已經聽Girl's Day嘅歌，朴娜萊即反問惠利：「乜你出道咁耐咩？人睇上小學嘅時候你就出道了？」另一主持人仲加多把咀話：「總有一日會有話，你同我媽咪一樣咁大。」惠利一聽勁受衡擊，即時瞓低掩臉，仲作狀扮喊，笑爆全場。

更多韓流，喺晒《娛果》
http://fb.com/appledailyent