「國民初戀」秀智日前上咗噚日播出嘅KBS綜藝節目《演藝家仲介》，同時為新片《桃李花歌》宣傳。

秀智對於拍攝《桃李花歌》嘅原因，秀智就指因為角色嘅魄力同純真嘅魅力吸引咗佢，而主持就話覺得秀智從小到大都唔屬於怕醜嘅女仔，秀智聽到就直認話：「係呀，因為爸爸當年經營一家跆拳道館，我成日都跑到那兒拳打腳踢，玩得好開心。」主持就叫秀智即場同父親傳遞內心話，點知秀智一時感觸眼泛淚光，更一度哽咽得講唔出嘢，之後佢先話：「冇同你講過好多話，我知道你一直擔心我，我一直努力打拼呢，唔好太擔心我，像0依家咁樣鼓勵我就得。雖然冇對你講過那麼多次，但是應該知道我愛你，對吧。」

秀智話本身自己好少喊，因為唔想被人睇到佢內心脆弱嘅一面，所以成日都會忍住唔喊，最多會緊握拳頭猛打牆面嚟發洩。

另外，當天節目就進行咗遊擊約會，秀智同自稱係軍人嘅粉絲見面，而喺過程中就提到現時軍中最受歡迎嘅女子組合係邊個時，軍人就竟然回答話：「G-Friend：」聽到軍人之言後，秀智即時不發一語，引起現場一片笑聲。