祈普敦在澳洲策騎事業起飛之際，毅然來港打拼，勇氣可嘉，亦因為年紀輕，適應新環境的能力甚快。要在香港馬圈立足似易實難，小祈自爆去年抵港後三星期，已學曉了一點廣東話！

小祈來港前先後向澳洲馬圈多位前輩請教，包括師傅兼著名練馬師昆頓和大摩前主帥白德民等，了解香港馬圈的生態和運作模式。

然而，令小祈最感好奇的是其中文名字，他說：「馬會公佈我嘅中文譯名後，我已請教曾喺香港生活嘅朋友，了解呢個中文名字嘅含意，自己所領略到嘅意思係祈求一切平安。」

小祈很快意識到學曉廣東話，對在港發展大大有利，他說：「抵港後，我花咗三個星期學曉『祈普敦』的讀音，我覺得係非常重要，有人直呼自己嘅中文名嗰陣，我就能夠回應示意，跟住就係學一些簡單問候句，好似係『你好』、『早晨』、『唔該晒』。」

小祈在學習過程中鬧出了一些笑話，「有次喺晨操，聽過一啲單字，我就請教同僚係乜意思，答案竟然係一啲非常強烈嘅『語氣助詞』，絕唔可以亂講。雖然廣東話只係識少少聽同講，但對溝通大有幫忙，亦會令人感覺自己到具誠意，想喺香港開拓一番事業。」

香港是舉世知名的美食天堂，小祈亦深深認同，不用出賽的日子，他便與女友Morgan四出「搵食」，他倆最愛去九龍城食泰國菜，亦最為難忘。

早前6月小祈在九龍站某高級西餐廳向Morgan求婚成功，兩人婚禮暫定明年舉行，地點未定。