當年今日

Apple姐日記:吳雪雯外國低調結婚

蘋果日報 2002/03/28 00:00


我Apple姐今日打開報紙,睇到過氣女星吳雪雯從外地返港,買咗過量香煙,搞到要罰錢㖭。查實,吳雪雯𠵱家已經係幸福少奶奶一名,佢同利豐雅高印刷出版集團嘅太子爺、𠵱家幫緊已故「慈善大王」何伯長孫何柱國手嘅楊耀宗,去年年底入紙註冊,本來定於呢個月喺香港行禮擺酒嘅,但係佢結婚嘅消息曝咗光,佢老公嗰邊嘅家人又鍾意低調,所以兩個人就即刻改變計劃,改喺外國結婚囉,話晒可以免卻俾記者追訪,甚至拎番佢拍過三級片呢啲陳年舊史出嚟提㖭。