當年今日
關於我們

【閃耀人生女人心-琦琦篇(5)】為愛女創珠寶品牌 琦琦養生戒澱粉質

蘋果日報 2018/03/01 00:01

養生珠寶品牌琦琦澱粉質減肥模特兒QQM閃耀人生女人心

琦琦由兩年前開始,籌備自己的珠寶品牌QQM,推出半年已知名度大升。入門價數萬元,主打十字架設計,張艾嘉、李嘉欣,以至不少女星名媛都是捧場客,變成人生第二個事業。
「其實我未諗過,幾年前個partner一直搵我合作,但嗰時我有其他合約未完,我同佢講,你等我啦。依家出咗半年,好幸運,反應好好。」
開office兼showroom,樓都未睇過就簽約:「QQM係我第一個office,個牆係綠色,因為我鍾意薄荷綠,我想我office好cosy,好home feel,顏色好簡單,有啲植物,所以搵朋友幫我畫咗一幅好多顏色、好開心嘅畫。」
努力創業,全情投入,原來背後更有一個夢想。「講真,我唔係真係等錢用,但可以將自己嘅興趣,發展成第二事業,係一件好開心嘅事。同埋,我依家個女開始大,13歲喇,如果將來有一個事業可以留俾佢,係一個夢想,係媽咪俾女嘅一個心意。」
琦琦每事親力親為,連飾櫃中的磨菇小擺設,都是自己去花墟逐間花店搵。十字架為主打設計,皆因她在維也納長大,四處都是教堂,媽媽也是天主教,設計中蘊含了她的愛與根源,「我自己都好鍾意好多大牌子,好似Van Cleef & Arpels、Bulgari,人哋真係百年經典,我哋一個100% Made in Hong Kong的牌子,點樣可以傳遞我哋嘅特別訊息?所以我覺得由心出發,所以揀咗十字架。」
愛shopping的琦琦,亦希望定價平些,她說:「Shopping一定要happy shopping,買完一樣想買第二樣,我嘅手工、鑽石係好好,但價錢係開心價,呢個都係品牌精神。」琦琦公司的員工,除了管錢的會計,大部分都是90後:「因為佢哋做嘢好快,好有衝勁,好有活力,我鍾意咁樣嘅團隊,可以帶領團隊一齊向前衝!」
世間無免費的午餐,琦琦多年來都keep到靚樣及身材。心態保持年輕、做人積極,正是琦琦的凍齡心得。「女人最好嘅保養品就係做嘢,做嘢可以保持一個年輕嘅狀態,同埋每天要正能量、愉快心情去生活。」當然亦要自律,「食呢,我食得好健康,早餐好大個分量,嚇死你,但我唔食麵包,我係食黑豆粥啦、雞蛋啦、蕃薯啦嗰類,我寧願食飯都唔食麵,夜晚要少食澱粉質,一個星期至少五晚係戒澱粉質的。」日常多飲水,養生飲品包括:紅棗杞子女、綠茶等。
老公、囡囡愛拉筋、跑步,華哥亦買了一部跑步機,鼓勵琦琦一齊跑:「一個星期至少上一次跑步機,著晒啲打boxing衫,焗住出汗至少跑一個鐘頭,同埋跟黃佩霞一齊做瑜珈。」至於護膚,琦琦強調潔膚重要,「我好鍾意敷mask,eye mask都鍾意,一得閒就敷。」
採訪、撰文:林妙萍
攝影:周樂恒
攝錄:林德雄、葉君海
化妝:淑貞
場地:QQM、六公館(海港城)
精選娛聞,喺晒《娛果》
http://fb.com/appledailyent
【閃耀人生女人心-琦琦篇(1)】任達華淺水灣食麥記追琦琦
http://bit.ly/2HMJnmK
【閃耀人生女人心-琦琦篇(2)】華哥初會女神失晒魂 琦琦:佢好緊張
http://bit.ly/2GMIRUl
【閃耀人生女人心-琦琦篇(3)】結婚廿載收過樓做禮物 琦琦最難忘呢份…
http://bit.ly/2HOPYNv
【閃耀人生女人心-琦琦篇(4)】13歲176cm!琦琦奧地利街頭被發掘行天橋
http://bit.ly/2CqH8pp
empty
empty
琦琦由兩年前開始,籌備自己的珠寶品牌QQM,推出半年已知名度大升。
empty
入門價數萬元,主打十字架設計。(受訪者提供圖片)
empty
周杰倫都有戴過。(微博圖片)
empty
不少女星名媛都係捧場客。(微博圖片)
empty
琦琦:「個牆係綠色,因為我鍾意薄荷綠,我想我office好cosy,好home feel。」
empty
努力創業,原來背後更有一個夢想,就係為咗留份事業俾個女。
empty
心態保持年輕、做人積極,正是琦琦的凍齡心得。