香港電影導演會三十周年晚宴暨年度頒獎典禮今晚在尖沙嘴舉行，會長劉偉強表示張婉婷將出任新一屆會長之職，他說：「佢本身係副會長，所以我哋溝通得好足，同埋我哋財政好健康，又有會址，最重要係keep住咁多年導演會嘅精神，大家好和諧，新一輩同舊一輩都有偈傾。」問張婉婷怕不怕有壓力？她說：「唔會，我覺得自己好幸福，係富二代，之前賣咗何文田會址賺咗一大筆錢，有啲項目亦有穩定收入，不過最緊要唔好做大花筒，加上政府撥十億作電影發展基金，大家齊心合力令香港電影更上一層樓。」問到新上任後有甚麼新搞作？劉偉強代答：「最重要開源節流、薪火相傳，有固定收入，導演會亦要開班教授課程，幫助新導演。」

大會今晚向已故導演林嶺東頒發榮譽大奬，新會長張婉婷台上致辭悼念：「林嶺東突然離世，係電影界嘅損失，我哋喺呢度對佢作出深切哀悼、呢個奬係實至名歸。」獎項由徐克代領，他說：「好掛住佢，今日我係代表阿東嘅家人攞奬，佢嘅家人生活好低調，呢段日子仍然好思念阿東，所以佢哋唔想喺今晚咁開心，但帶來憂傷嘅感覺。」

黃秋生就獲香港電影導演會選為最佳男主角，黃秋生上台致辭時笑言：「唔係丫嘛，真定假？陳果你喺導演會好大勢力？我攞到呢個獎真係好榮幸同不可思議，導演係好難服侍，要一個認同已經好難，仲要咁多個認同你，係一個好大成就。」由於今晚林鄭月娥亦在場，秋生開宗明義有說話特別向林鄭說，即時全場歡呼，秋生笑笑口謂：「好少可喎，呢幾年我個名好似佛地魔咁唔提得，好多謝政府撥好多錢支持香港電影發展，我知我唔可以代表業界，但我代表自己多謝特首支持。」

今晚總共頒7個獎項，除了榮譽大獎及最佳男主角，另外《無雙》獲選為最佳電影，莊文強亦憑此片成為最佳導演。《三夫》曾美慧孜獲選最佳女主角，《淪落人》的Crisel Consunji就成為最佳新演員，《淪落人》導演陳小娟當選新晉導演。另外《水底行走的人》獲得執委會特別獎。

今晚獲大會頒發最佳男主角的黃秋生，問到今次得獎，對金像獎信心是否有所增加？秋生笑言：「小寶（爾冬陞）話導演會攞到，金像獎都應該冇問題，我信佢多過信耶穌，你都知佢哋幾大勢力啦，我就繼續做番我個佛地魔，其實攞獎唔一定有錢賺，好似我之前講過，金像獎，攞咗就衰三年，但如果再攞呢，就有排好！」而曾美慧孜就表示好欣賞秋生的說話：「是一個很好的享受，因為他很幽默。」問她想不想與秋生合作，她表示：「都想！」不過秋生即笑言：「你想拍叉燒包？算啦！我哋拍番文藝片啦！」

提到秋生今晚在台上講得獎感受，難得與特首同場，記者問如果有更多時間講感受，有沒有說話要再跟特首表達？秋生聞言即扮儍：「唔記得喇，今次我為咗導演會延遲咗啲工作，原本要去日本拍廣告，而家要遲一日出發。原本唔知嘅，劉偉強打畀我話佢退休。佢哋又喺台上不停講周潤發，我邊有諗到自己得獎啫。」

問到曾美慧孜獲頒最佳女主角，對金像獎爭影后有否信心？她說：「而家都比較激動，對自己都有信心，但對每個提名人，包括自己都好敬佩。」秋生即說：「你飄喇，要一啖氣氣聚丹田，做人要穩定啲。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef