當年今日
關於我們

【月事係邪惡?!】《M巾英雄》反映傳統印度價值觀 喬寶寶嘆女人難做

蘋果日報 2019/03/14 09:00

印度喬寶寶M巾英雄

印度電影《M巾英雄》即將在港上映,邀來喬寶寶為祖國電影幫忙宣傳,日前喬寶寶在奧海城接受訪問,表示除支持國產電影外,亦對電影中的訊息十分認同。電影中男主角為替妻子購買衛生巾一事,反映出印度傳統價值觀,並引發起一場女權運動。
雖然是印度人,但喬寶寶直言都曾為太太買過衛生巾:「我買過,但始終太太喺印度大,覺得女人嘢自己買番好啲。」他表示傳統印度人認為女性是不潔和邪惡:「印度有啲教以前好迷信,如果女人月經嚟嘅時候會覺得係唔好、邪惡嘅嘢,所以就要佢哋離開屋企範圍,要隔離佢哋,唔畀佢哋見老公同個仔,又會唔畀佢哋番學或番工,本身月經嚟有啲女人又會經痛,所以對女人嚟講係雙重刑罰。」
隨著社會進步,喬寶寶稱以上例子現在已愈來愈少,包括自己家庭:「我不嬲好尊重女人,因為我好錫阿媽,啲人成日話印度男人係大男人,以前就多,但而家就男女平等啲。」他更笑言:「其實屋企邊個月經嚟我哋都唔知。」提到近年傳媒大肆報道印度發生的強姦案,喬寶寶直言:「其實好多國家都有強姦案發生,但印度傳媒特別着重呢啲案,希望宣揚保護女性,同將壞人繩之於法。」
講到去年榮升老爺,喬寶寶表示望早日抱孫:「我都叫咗個仔勤力啲,灌輸咗啲渾身解數畀佢,希望豬年有個豬BB,我都同太太講過如果抱孫就可以退休。」
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
empty
喬寶寶表示對電影帶出來的訊息十分認同。
empty
喬寶寶稱有傳統印度人認為女性,是不潔和邪惡。