馮仁昭四圍超：Steven阿媽約老友談心好番晒！
蘋果日報 2004/09/07 00:00
男子組合Boy'Z成員張致恆（Steven）嘅荷蘭裔母親邱伊愛麗，上月二十三號喺觀塘翠屏邨寓所吞咗三十幾粒安眠藥，被送院救治。Steven媽出事後一直未露過面，噚日佢終於出街，同朋友去談心。
母子返荷蘭散心
噚日下晝一點鐘，Steven媽踢拖離開寓所，喺屋邨商場會合一女性朋友後，就一齊行去花槽邊煲煙同傾偈。
Steven媽六點幾返屋企，佢一見記者即刻低頭遮面，問佢𠵱家身體復原未？佢話冇乜嘢，再問佢出院後重有冇覆診？佢竟然話：「我感冒啫！」之後就一支箭入咗大廈。
此外，Boy'Z噚日喺將軍澳電視廣播城排舞，問Steven有冇探媽咪？佢話：「阿媽話遲啲同班friend去旅行，咁我咪畀錢佢去，去完後就想同我返荷蘭。」
廖碧兒送禮賀阿Sam牛一
廖碧兒噚日到尖沙嘴示範化妝，佢近排忙於拍攝劇集《妙手仁心III》，不過都冇忘記許冠傑（Sam）噚日生日。廖碧兒已經第一時間致電恭賀阿Sam，亦買咗禮物送畀佢，問廖碧兒係咪送阿Sam最鍾意嘅豹紋禮物？佢話：「佢乜都有啦，而且佢唔係貪心嘅人。」
噚日下晝一點鐘，Steven媽踢拖離開寓所，喺屋邨商場會合一女性朋友後，就一齊行去花槽邊煲煙同傾偈。
Steven媽六點幾返屋企，佢一見記者即刻低頭遮面，問佢𠵱家身體復原未？佢話冇乜嘢，再問佢出院後重有冇覆診？佢竟然話：「我感冒啫！」之後就一支箭入咗大廈。
此外，Boy'Z噚日喺將軍澳電視廣播城排舞，問Steven有冇探媽咪？佢話：「阿媽話遲啲同班friend去旅行，咁我咪畀錢佢去，去完後就想同我返荷蘭。」
廖碧兒噚日到尖沙嘴示範化妝，佢近排忙於拍攝劇集《妙手仁心III》，不過都冇忘記許冠傑（Sam）噚日生日。廖碧兒已經第一時間致電恭賀阿Sam，亦買咗禮物送畀佢，問廖碧兒係咪送阿Sam最鍾意嘅豹紋禮物？佢話：「佢乜都有啦，而且佢唔係貪心嘅人。」
嚟緊星期日（十二日）係張國榮（哥哥）嘅生忌，一班歌迷籌備緊連串紀念活動，其中會同出版社合作，喺當日推出《張國榮的時光》回憶錄，呢本書係由日本女作家志摩千歲撰寫，喺今年哥哥死忌時已經推出，今次就繙譯成中文版。書中講咗好多哥哥嘅生前軼事，包括哥哥着褲時俾膠紙黐甩腳毛嘅趣事㖭！
有線電視同亞太衛星噚日喺大埔舉行記者會，宣布稍後可以透過亞太衛星收睇有線節目。出席嘅除咗有任達華外，重有有線電視收費電視部執行董事盧峻，盧峻被問到無綫告有線侵權單官司時，佢話：「其實五月已經同TVB傾，雙方係有溝通嘅。」佢話唔明點解對方突然要告，事件𠵱家交咗畀律師處理。
Steven媽（左）同友人坐喺花槽邊吞雲吐霧，好鬼好傾。
左起：Kenny、梁洛施同Steven噚日喺電視城排舞。
《張國榮的時光》回憶錄
廖碧兒
任達華（右）、盧峻（左）