周六喺雪邦國際賽道舉行嘅F1馬來西亞站排位賽，法拉利車手維特爾因為戰車出現機件故障，Q1幾乎全程留喺維修站入面，未能造出任何成績導致出局，將排包尾出戰正賽！至於平治「黑帝」咸姆頓喺Q3造出最快圈速1分30秒076，職業生涯第70次搶得頭位，而拉高倫同韋特本就分列二、三。

值得一提嘅係，維特爾喺車手榜暫得235分，落後榜首嘅咸姆頓28分，對佢爭奪總冠軍嘅形勢相當不利，難怪呢位30歲法拉利車手出局後，難掩失望咁話：「我好失望，尤其是我今日覺得自己可以交出好表現，但呢種情況就係賽車嘅一部份。」