何超蓮今日以活動大使嘅身份去到大球場奧運大樓，出席《全港中學生創意社企大賽》。近來密密為即將開業嘅台式牛肉麵店做籌備嘅超蓮表示：「新店裝修已經完成，依家進行清潔工作後，就可以準備開業，舖頭將會喺4月11號朝早正式開張。 」

作為老闆約超蓮又透露：「呢排壓力好大，經常都瞓唔著，噚日仲要媽咪陪我去睇中醫做針灸。」佢表示今次籌備過程中，自己事事都親力親為。

咁爸爸同媽媽有冇俾意見？超蓮話：「佢哋兩個都好支持我，媽咪仲話如果我鋪頭做得好成績，佢會考慮傳授佢拿手嘅私房菜式畀我，因為媽咪煮嘢真係好好食，爸爸都好鍾意食。」仲透露媽媽有一項拿手嘅牛脷，相當好食，喺出面完全未食過呢個味道。

精選娛聞，喺晒《娛果》
http://fb.com/appledailyent