當年今日
關於我們

【短片】梁洛施否認收過億贍養費:愛情唔係咁樣

蘋果日報 2014/02/22 06:00

梁洛施

已為三個小朋友嘅媽媽梁洛施,與小小超李澤楷分手後,直至去年參演張艾嘉執導電影《念念》,正式復出,之後會同詹瑞文合演新舞台劇《快樂勿語》,早前兩人一齊出席記者會,梁洛施當時更驚現「高潮眼」,相當可愛。

正式再投入工作,梁洛施狀態大勇,近日更接受雜誌訪問。向來都唔多講自己家事嘅佢,罕有哋講咗好多同三個囝囝嘅事。

2011年正式與李澤楷分手後,曾傳梁洛施獲過億贍養費可無憂生活,亦有傳三個仔已秘密獲安排返港,方便見爸爸同爺爺。不過梁洛施就喺訪問中否認收過億贍養費一說:「愛情唔係咁樣。」仲話佢同李澤楷都係三個囝囝嘅父母,佢只係應該照顧小孩,而自己都想有新開始,要做到獨立搵錢養家,將來同李澤楷都要一齊照顧小朋友,所以佢都開始重新自己嘅事業。梁洛施謂:「我都要搵錢養家。」