一級方程式世界冠軍咸姆頓早前要喺社交網站為左佢嘅不當言論道歉，究竟咩事搞到要道歉呀？

事緣喺聖誕節當日，咸姆頓上載左一段同屋企人一齊過節嘅短片上ig，影住佢外甥一身可愛打扮，紫配粉紅嘅靚靚公主裙，咸姆頓隨即話佢見到外甥仔著到咁，佢真係好sad，然後再問外甥仔點解要著公主裙，更好大聲咁同外甥仔講「男仔唔准著裙！」

或者咸爺只係諗住同外甥開下玩笑，但段片上左網之後，咸爺嘅言論就好多人砲轟，有人話佢咁講嘢會對小朋友造成傷害，更有指佢表示「男仔唔准著裙」呢個概念係性別定型，甚至涉及性別歧視，受到唔少支持「LGBT」嘅網民抨擊。咸爺隨即喺佢嘅ig為之前嘅言論致歉，表示佢從無性別歧視同性別定型嘅意思，亦支持所有人用佢覺得舒服嘅方式生活。

----------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM