韓國tvN綜藝節目《名單公開2016》每次都會以唔主題嚟選出最乜乜嘅明星，噚晚播出嘅一集就以「零缺點的後裔」做主題，至於邊位能夠當選？

噚晚節目就公佈最終就由一向低調行善嘅「國民MC」劉在錫成獲得第一位，節目指劉在錫不僅有優秀嘅領導力，人格魅力亦好強，係一位不停被人稱讚嘅明星，有極強嘅自我管理能力，對有困難嘅鄰居亦會出手相助，人人對佢有讚冇彈。

至於姜河那就排第2位、朴明秀第3位、韓智敏第4位、李光洙第5位、金鐘國第7位及近日嘅風頭人物宋仲基就排第8位。

宋仲基近日憑人氣劇《太陽的後裔》熱爆全城，合作過嘅演員都非常欣賞佢嘅性格同人品，而佢本身仲有住閃耀嘅成長經歷，學生時期成績非常優秀，係公認嘅優等生，難以挑剔佢有乜嘢缺點。