惠利主演嘅tvN劇《請回答1988》噚晚播出第17集，即係話仲有3集就大結局，觀眾都好想知道惠利老公究竟係邊個，令到傳言滿天飛，好多唔同版本嘅劇情在網上流傳。製作方見到咁嘅情況都皺晒眉搖晒頭，話之前勸又勸過，「對於未播出街就提前洩露（劇情）的，我哋正商討採取法律手段對付。」

另外，為咗答謝觀眾對《1988》嘅支持，眾演員將於3月5日在慶熙大學舉行電視劇演唱會，但目前仲未落實邊位演員同演唱歌手出席。而之前《1988》姊妹作《請回答1994》播完後都試過咁做，所以外界對今次演唱會都好期待。