支聯會近年工作目標,除平反六四、反對中共一黨專政外,面對中共近年不斷打壓內地維權人士,支聯會亦將聲援內地維權人士作為工作重點,但這已超越5大綱領範圍。李卓人直言,縱使支聯會今天工作不再只限於八九民運,「但咁多年嚟,從來冇人要求改5大綱領,例如將支援維權人士加埋入去」,他認為5大綱領已十分完備,「唔需要再加減,而且一旦有改動又會有爭拗」。
李又認為就算不改動5大綱領,亦無礙支聯會現時工作,「好似釋放民運人士咁,維權人士同民運人士一樣,都係俾中共暴政打壓,所以5大綱領可以包括埋維權人士」,近年支聯會叫口號亦已多叫釋放維權人士。
■記者莫劍弦