黃日華今日喺尖沙嘴出席美容活動,講到王維基既香港電視不獲發牌,幫王維基拍劇嘅華哥話噚日抱住好大期望咁睇新聞直播,結果係廣大市民唔可以預期,同埋唔可以接受到嘅結果。
講到港視宣佈裁員320人,華哥話喺佢眼中唔係裁員,叫「和平解散」,始終攞唔到牌,唔可以正常運作,一個解散對大家都係好處。
不過華哥話對佢冇影響,因為自己只簽係部頭約,只係時間未到期,華哥話比較擔心係其他員工未來同出路。
咁擔唔擔心囡囡黃芷晴?華哥話唔多唔少都有,因為佢係長期基本合約,佢又話0依家好似一盤冷水淋過嚟咁,大家突然為生計、前途擔憂。
講到政府唔公佈死因會唔會好嬲?華哥話唔發牌有自己機制,但都要解釋比市民聽。佢又多謝市民同網民支持,提到網民呼籲今個星期日上街遊行,佢話如果係港視搞的話,會無限量支持。