去年10月於反蒙面法遊行時，59歲的士司機鄭國泉駕駛的士鏟上行人路，其間涉撞傷3名女子，當中一名23歲女子被撞斷雙腳。鄭國泉之後被市民拖出車毆傷「私了」受傷，一名20歲青年事後反被指涉嫌參與暴動被捕，鄭則至今未被檢控，更獲撐警團體捐款逾52萬元。

鄭國泉接受香港中國通訊社訪問時聲稱要「還原真相」，指當日是有示威者用鐵通打穿其的士的擋風玻璃及「衝咗上嚟襲擊我」、「佢係搶住我堂軚（盤），然後架車就係咁樣搶軚（失控）。」他歸咎因參與國慶遊行而受襲，強調自己是無辜，「人哋講乜、自己冇做過，清者自清，我問心無愧……我是中國香港人，我哋中國人應該以國家為榮。」

鄭國泉接受中通社訪問，題為「香港被圍毆的士司機康復後首現身：我問心無愧，絕不後悔」。片段長約4分21秒，形容鄭是「被圍毆香港的士司機」，他首次在鏡頭現身，聲稱要還原事件真相，「如果我係蓄意做出衝向人群，我架車唔需要停定喺度俾人受襲，大家有常識嘅人亦都可以諗得到，我何解要停定架車呢？我根本上係一個好無辜嘅人。」

訪問指鄭國泉駕車經過深水埗被多名「激進示威者」圍毆，頭頂要縫4針，左右胸骨共斷四根，「當我轉到去欽州街嗰時，見到前面一大堆示威者、好多人，突然間左手邊就有個示威者拿住支鐵通，向我左邊嘅車、擋風玻璃狂插，插穿我塊擋風玻璃，就開到個安全鎖，就係我左手邊乘客位，衝咗上嚟襲擊我，有一個示威者喺我右手邊，打開我個車門，當其時我係掙扎緊，佢係搶住我軚（盤），然後架車就係咁樣搶軚（失控）……諗住今次受襲已經玩完㗎喇。」

鄭國泉又估計，自己因參與國慶遊行而受襲，「因為國慶，啲同事（的士司機）一齊去為咗國慶做咗一次（愛國）遊行，變咗我哋插咗旗仔（國旗），因為我車牌太好認，俾佢哋認出咗。」但整個訪問，隻字不提23歲女子被撞斷雙腳。

鄭國泉更指摘醫護對他不客氣，負責旁述的記者更稱：「送到醫院不是事件的結束，而是另一段折磨的開始。」鄭國泉稱：「醫護人員同我過床、去照X光嘅時間，係唔會理會你嘅傷勢或者痛楚，就咁樣踢你過床，我嗌痛，佢唔會理你，對我係非常之……唔會客氣。我住咗四日醫院就要我出院，只係畀咗啲止痛藥，你返去休息得㗎喇，啲骨會自動埋口。」而事發後自己更不斷被騷擾，「幫我走去所有啲酒樓落訂單，亦都有啲WhatsApp過嚟，話要坐你呢嗰兇手嘅的士。」

負責旁述的記者指，鄭國泉至今難以恢復正常行走，身體心理留下難以癒合的傷，但鄭仍問心無愧，「人哋講乜、自己冇做過，清者自清，我問心無愧，我身為一個中國人，國慶節係我哋中國人裏面嘅一個大喜慶嘅日子，我對於我當日遊行嘅動作，絕對不會後悔，因為我係支持我哋自己中國人嘅國家，我係中國香港人，我哋中國人應該以國家為榮。」

鄭國泉去年10月駕駛的士鏟上行人路，涉撞傷3名女子，當中一名23歲女子被撞斷雙腳。鄭國泉之後被市民拖出車毆傷「私了」受傷，一名20歲青年事後反被指涉嫌參與暴動被捕，鄭則至今未被檢控，更獲撐警團體捐款逾52萬元。

民主黨立法會議員許智峯日前在Facebook發文，指自反送中運動開始，過去9個月來警方濫捕濫告不斷，亦有許多市民慘遭警暴導致嚴重受傷，惟警方卻處處包庇，一直沒有警員被刑事檢控及懲罰。他於去年底發起眾籌，決定以私人檢控追究警方濫暴，本周二（17日）接獲法院通知，就11月11日西灣河交通部警署警長關家榮開槍案，以及10月6日的士司機鄭國泉涉於深水埗鏟上行人路撞人案，兩案將同於下月7日在東區法庭開庭。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架