由古天樂、張智霖主演嘅電影《L風暴》，開畫4日，香港票房累收450萬，是近期港產片上映首周未成績最好，首日開畫達100萬，成為當日票房冠軍，跑贏中外電影。

古天樂與張智霖（Chilam）日前在銅鑼灣接受訪問，二中在電影《L風暴》中飾演警察，Chilam表示今次並非以靚仔造型出現，Chilam說：「反而醜化自己，留鬚配合角色，因為演過多次警察，所以希望造型不同。」今次新片於炎夏天氣拍攝，但要穿着冬天衫，Chilam說：「主要廠景沒有冷氣，每次入廠拍攝時，我都全身濕透，底褲都擰到出水。」Chilam造型有紋身圖案，老婆讚佢man，兒子魔童有見過，Chilam話唔會阻止兒子紋身，佢話：「做任何事都唔會反對，只要唔好做壞人就得，可以紋精忠報國。」

古天樂於戲中親自擔演駕車追逐鏡頭，自言鍾意拍飛車戲嘅古仔話，自己鍾意揸車，趁拍戲機會都會親自上陣，古仔話：「之前拍撞車戲，自己親自做，我唔想用替身，做好保護措施係好安全。」鄧麗欣(Stephy)早前表示，喺戲中同古仔合作拍飛車戲好驚險，古仔笑指Stephy不用排戲，其驚恐表情真情流露。古仔指今齣電影在烈日下拍攝，曾遇頭暈中暑跡象，要飲甜飲補充體力。

精選娛聞，喺晒《娛果》
http://fb.com/appledailyent