【落飛馬分析】賀賢田草靠得住 泥地撐蘇保羅執到笑！
蘋果日報 2019/07/20 15:24
泥地賀賢田草幸運時代落飛馬執到笑啡格
科技進步，投注工具日新月異，閘前賠率經常大幅變動，啡格（賠率跌幅達五成）見怪不怪。馬迷面對落飛馬應該跟定唔跟呢？咁就要睇對象。
練馬師賀賢上季落飛馬得手率最高，今季見到佢嘅馬臨場賠率急跌，值得跟風捧場。
翻查紀錄，上季共有769駒閘前落飛（賠率跌幅達三成或以上，下同），取得68勝176位，勝出率約8%，表現只屬正常，不過，如果細分練馬師睇，可以發現賀賢落飛馬成績不俗。
他上季共有28駒閘前落飛，取得六勝九位，勝出率逾兩成，而上名率更超過一半，值得一提係賀賢六匹落飛頭馬，原來清一色贏沙田，好似季尾「幸運時代」降入四班起用潘頓即落飛得手便是最佳例子。
方嘉柏亦經常落飛出擊，上季共有48駒閘前起票，取得七冠六亞八季，上名率僅次於賀賢，如果單計谷草落飛馬更犀利，17駒獲五勝七位，當中六駒配潘頓更悉數上名，馬迷不妨存記。
另一方面，蘇保羅上季三匹泥地落飛馬「執到笑」、「萬霸駒」及「威風駿馬」均非冠即亞，後駒初跑此場地嘅啡格贏馬最經典，今季在泥地賽，見到蘇廐馬有此現象唔怕跟。