今日周三俄羅斯世界盃Day 7有3場賽事；昨日戰果，哥倫比亞早段有球員被罰紅牌出場，踢多1人兼射入12碼的日本，最終2:1險勝。塞內加爾同樣以2:1勝波蘭，為非洲球隊爭返啖氣。東道主俄羅斯3:1踢贏有「非洲美斯」沙拿復出的埃及，很大機會晉級16強。

昨日估俄羅斯上盤的湯文亮已經連續估中六場，就連估錯4場的Cal都成功被湯文亮Carry「破燈」。今日湯文亮估大熱門西班牙上盤（讓1.5球/2球），睇吓湯文亮能否連中七場！同樣估西班牙上盤還有沈大師同埋翁世權。兩位昨日支持有拜仁神鋒利雲杜夫斯基帶領的波蘭，可惜不幸落敗。

至於唐牛今日繼續同Cal決戰，Cal估烏拉圭上盤（讓2球），唐牛則揀對家沙特下盤。盧卡股就估葡萄牙上盤（讓半球/1球）。

今日三場大熱門賽事，除了是許勝不許敗，要贏波又贏盤，更必須要大勝！想睇返各位名家既估波往績，大家記得繼續留意FB專頁【蘋果ATM】公布啦！

【中環果盤】估波團陣容鼎盛：
湯文亮　紀惠集團行政總裁
沈振盈　訊匯證券行政總裁
翁世權　瑞通上市產品銷售主管
唐牛　　投資專欄作家
盧卡股　投資專欄作家
Cal　　 動主播

玩法：
每日挑選一場世界盃賽事，以香港馬會推出的讓球盤（亞洲盤）作準，估出「上、下盤」。
蘋果財經，關心你飯碗
http://fb.com/appledailyatm