年宵市場明早收爐，今晚通宵營業到清晨，維園中一眾檔主最後衝刺，務求賣光存貨，為免積存過年。順應生肖的檔口多不勝數，「賣豬仔」人士要突圍而出，使盡渾身解數必不可少。《蘋果》早前百裏挑一，從芸芸自認賣得最有竅妙的年宵檔主中，選出3隊並追蹤他們擺檔全過程。記者打從開檔前追蹤，跟拍幾天，發現6晚年宵有笑有淚。有人動之以情，用溫情灌滿年宵；有人從無知中被迫學懂做生意，與夥伴口角中培養出情義；有人則沒料到最「爆」情況，無奈下收起「初衷」，賺錢為先。

記者 鄧溢禧

陳校長免費補習天地（補天）以「招財進補」之名，擺檔「賣豬仔」，都是做生意，都是希望賺大錢，但檔主陳校長就指，辦年宵最大目的，是讓家長和學生充當義工，一同出力為「補天」賺取營運資金，讓更多基層小朋友受惠。

「招財進補」（攤位：82至83號）

補天老師之一、同學都稱他為「馬仔哥哥」的馬Sir早在半年前，開始着手籌備年宵。年宵開幕前一日（年廿四，即1月29日）的早上，馬Sir就和幾位員工忍着睡意、烈日下來到維園中打點事前工夫。「嚟到嘅時候都仲係散修修」，加上兩旁攤檔的棚架還沒有搭建好，故要預早些時間前來收拾，還有把最富吸引力的「陳校長」橫幅掛起。

今次年宵的賣點是由義工學生、家長和義務老師幫忙，共有百餘人，全都擠進攤檔中的話，定必逼爆。馬說，「為咗節省成本，唔會運好多次車過嚟」，幸好檔口設小閣樓，部份存貨可以先放上去暫存。貨品處理好但仍要擔心一班義工。馬指，適時就會讓義工「打遊擊」，吸引更多遊人及避免擠人的情況，「同時都想畀人認識我哋所提供嘅服務」。

常說「搏盡無悔」，這不僅是年輕人的座右鉻，也可從陳校長身上看得見。陳校長在年宵第3日現身維園，親自為「招財進補」叫賣，「招財進補攤位為補天學生籌款嘅，靚靚File學生設計」，雖然叫賣不合陳校長平日謙謙君子的性格，但就吸引到遊人駐足了解補天義師義務補習的運作。「之前兩日嘅生意我哋都相當滿意，搞呢個維園年宵最大目的，就係想更多嘅義師同家長一齊嚟參與」，陳直言早以此為目的，今日到場就知目標早已達成。

「滄海維豬」（攤位：44號）

受攤檔細小問題困擾又何止馬Sir和陳校長。樹熊（謝同學）和一班同學兼合夥人，在年宵開幕前一天（年廿四，1月29日） 他們下午2時許來到維園現場，卻見檔口小之又小，幾人為此而苦惱，「睇睇可唔可以盡量將啲貨都擺晒上去，（因為）都幾多貨，一運嚟已經係全部」。現場所見，因檔口搭建未如理想，他們明顯稍有不知所措。樹熊表示「（檔口）上面可能差啲嘢未整好，都趁今日盡量執好佢」。

但伴隨一晚又一晚的叫賣聲，來到擺檔第3日，樹熊和其他合夥人明顯熟習了運作。維園人流絡繹不絕，位於靠近銅鑼灣入口的「滄海維豬」，都不乏生意。樹熊指，「我哋當然希望每日越嚟越多生意，其實我哋見到呢幾日生意都明顯係一日比一日好」，明言有成功感，目標繼續是一件不留。他又提到，幾人曾因生意而有口角，指部份成員銳意減價，另又有聲音認為當時僅頭幾天，打出減價牌言之尚早。

「滄海維豬」的自家產品，入貨量不多，樹熊曾指因此要提高售價以平衡。他不否定今晚會減價，但深信隨着周末過去、新年臨近，銷量會越做越好。

「DRAW銀住晒」（攤位：27、28號）

3檔之中，以「DRAW銀住晒」最出乎意料。4個創作團隊、5位成員有份合資的該攤檔，宣傳時期以一台「跪完機」為賣點，吸引遊人買滿288元，憑票讓其中一位成員為自己繪畫人像。惟到擺檔第三晚，「跪完機」已告消失。檔主之一Albert（「DDED」插畫家）感惋惜地說，「因為真係太逼啦，如果再擺嗰部機就真係『draw銀住』，我寧願放棄，喺6點嗰陣搬走佢」，「跪完機」只營運到下午6時，晚上以騰出空間讓人靠近選購自家設計精品，「始終賣嘢最緊要」。

記者問及，預料今晚最後一晚將見到甚麼場面，另一檔主Kim（「Plastic Thing」插畫家）又發揮「無厘頭」本色，笑言要「世界和平、無戰爭無饑荒」，Albert補充指，「最重要梗係唔想拎番啲貨走啦」。

快啲嚟下載啦！果籽新春〈豬年貼籽-多豬慎入〉WhatsApp Stickers｜ http://bit.ly/AppleseedSticker

10萬蚊 30人分！《動腦Q》新春Q多寶
年三十至初三 3:15pm、10:30pm
豬年動腦，Q多啲money！
http://bit.ly/2QW8LcI

編輯推介

【新春貼士】年三十晚溫提：開燈瞓 接財神

【聽我講...】流浮山俠女與狗場內的400豬朋狗友

【流感肆虐●醫護大控訴】醫管局管理層應重上前線助提高士氣

【迎豬年】星光大道唔止掌印 下載AR APP仲可以同李小龍互動！