當年今日
關於我們

【真係呼吸唔到...】除眼鏡睇巨「雕」 黎芷珊﹕歎為觀止!

蘋果日報 2018/03/22 17:15

黎芷珊意大利

黎芷珊最近創立自己嘅太陽眼鏡品牌,早前遠赴意大利出席國際眼鏡展,並順道跟朋友遊覽當地名勝。
當去到佛羅倫斯嘅聖母百花大教堂後,芷珊原本打算再到附近嘅鐘樓參觀,但捱冷排隊近一小時,再行上二百幾級樓梯後,就疑似出現幽閉空間恐懼症嘅症狀,心跳加快難以呼吸,唯有捨棄友人逆流速逃。芷珊話﹕「嗰日我有啲感冒,睇完教堂再去鐘樓,原本諗住行樓梯上頂樓欣賞當地美景,但真係呼吸困難。但之後朋友話我知,原來只要上多幾十級就到頂樓,突然覺得咁就錯過咗美景,有啲十分遺憾,亦令我學懂做事應堅持到底。」
為咗幫自己公司做生招牌,芷珊全程幾乎都戴太陽眼鏡,只係去到佛羅倫斯美術學院觀賞裸男雕塑大衛像時先除下,被取笑為咗睇真啲「雕」嘅雄風?芷珊笑話:「的確係雕,但我所指嘅係宏偉石雕,我好欣賞古羅馬嘅手工藝,到底係點樣將巨石雕琢出栩栩如生的人像?我除下太陽鏡,係為咗了研究佢嘅巧奪天工,大衛像連手部嘅筋都能細緻雕刻出來,認真歎為觀止!」
精選娛聞,喺晒《娛果》
http://fb.com/appledailyent
empty
芷疑疑出現幽閉空間恐懼症嘅症狀,最後無法上到鐘樓頂。
empty
芷珊開心可以近距離一睹達聞西嘅壁畫。
empty
empty