當年今日
關於我們

【戒口皮膚好】余德丞戒唔甩珍珠奶茶 媽媽監場禁復工操勞

蘋果日報 2018/09/27 18:00

岑麗香復工余德丞

岑麗香、黃翠如、余德丞、馬詩慧同女兒王麗嘉等今日喺旺角出席「Fresh Beauty Kitchen」概念期間限定店開幕,香香大讚品牌嘅護膚品好好,仲話會送畀佢班女性朋友。
全面復工嘅余德丞狀態大勇,受訪嗰陣仲有講有笑,佢話:「好開心呀,做嘢可以見返好多人,感覺開心好多。醫生都叫我唔好做劇烈運動,我又冇飲酒,食辣嘢,魚生都唔食住,費事刺激到,不過我最鍾意飲嘅珍珠奶茶就飲咗兩次。」
余德丞笑言因為戒口連皮膚都好咗,至於拍劇?佢話:「未開始住,睇下有咩角色合適,我諗都唔會畀好重嘅角色我住,打嗰啲唔會啦。唔好理咩男一、男二、男三,有得做已經好開心,依家要重拾返工作嘅節奏先。」問到余媽媽有冇叫佢唔好咁操勞?佢話媽媽其實今日都有到場:「佢有成日提我要休息,佢都會擔心,不過我好有定力,依家我都會搭巴士、地鐵,不過唔會追。」
至於香香就啱啱喺米蘭返嚟,首次去參與當地嘅時裝周:「我不嬲對fashion有興趣,大學都想修讀fashion,今次可以坐front row,覺得係夢想成真。」有否趁機血拼?香香笑謂:「未破產,不過都有出手。」咁有冇老公強強份先?香香大笑:「都有,不過我老實啲,買畀自己係多好多。作為負責任消費者,我都有格價o架,當地真係平好多。」佢仲自爆喺意大利日日都食薄餅,短期內應該唔可以再食住:「夠喉苛喇,我返到香港最想食都係中菜。」
精選娛聞,喺晒《娛果》
http://fb.com/appledailyent
empty
岑麗香剛去完米蘭時裝周,仲血拼一番。
empty
余德丞全面復工,但飲食方面仍要戒口。
empty
同場仲有黃翠如。
empty
麥美恩
empty
余德丞、岑麗香、黃翠如同麥美恩。