當年今日

求驗客手記:申花和波 吳偉超雙失 - 求驗客

蘋果日報 2008/12/01 00:00


中超周日煞科高潮迭起,香港球員吳偉超(圖)效力嘅上海申花對浙江綠城,佢哋賽前以兩分落後榜首山東魯能,只要贏波而山東和波,就可以捧盃。班主朱駿賽前揚言如果球隊順利奪冠,球員可獲500萬人民幣(約567萬港元)獎金,即使贏波最後未能奪冠,仍然有250萬獎金。好可惜最後山東隊真係0:0和廣州醫藥,但申花下半場射失12碼,仲被對手迫和2:2,眼白白見財化水。雖然吳偉超呢場波連後備都冇,不過呢次經歷肯定畢生難忘。