韓國天團BIGBANG隊長G-DRAGON(GD)正忙於進行個人世界巡迴演唱會「G-DRAGON 2017 WORLD TOUR ACT III, M.O.T.T.E」，並將於8月25及26號唱到香港亞博館。未知GD係唔係工作行程太忙碌而暴瘦，當中GD個下巴就越來越尖，因而被部分網民猜疑佢整容。

近日有網民公開多張GD新舊照嘅對比圖，指GD近期個下巴越嚟越尖，疑似削骨或墊下巴。不過亦有粉絲力撐GD，表示oppa只係暴瘦而令下巴尖咗，而好友CL之前亦曾留言叫GD唔好再瘦落去。

另外，GD早前為韓國雜誌拍攝新相，表示「GD」係一個自信、有趣、更堅強嘅人，而「權志龍」（GD本名）係一個比較多嘢諗、想依靠家人朋友嘅人，透露自己於台上及台下有不同嘅一面。