有周梁、方剛同黃英琦做名譽顧問嘅商人慈善團體「通濟商會」近日鬧出會員糾紛。有會員同八方投訴，話商會本來喺就嚟重建嘅嘉咸街有好多物業，有幾個決策人未經會員同意就賤賣晒啲資產畀發展商。決策人又將得嚟嘅5,000萬蚊分畀啲會員，普通會員可以分到5萬蚊，監事仲分到30至40萬蚊。嗰個會員覺得事有蹺蹊，已經向廉署投訴。
八方噚日曾經打電話去商會辦事處求證，自稱會員嘅鄭先生話，啲會員曾經投票通過授權畀決策人決定資產買賣，而且係賣畀「正當商人」，仲列明五年內唔可以轉讓，「賣資產純粹想回饋會員，個個收錢唔知幾開心。」