有「鬼王」之稱的靈異節目主持人潘紹聰（Edmond），經常都會在節目分享靈異事件，又會為觀眾解答疑難，早前更埋驚慄片《綁靈》的監製，瓣數多多。

昨日下午三時許，《蘋果》記者發現潘紹聰一個人在銅鑼灣百德新街附近等人，收到電話後急急腳行到記利佐治街一個商場，未幾便見到資深傳媒人劉天賜（賜官）出現，兩人看似風馬牛不相及，潘紹聰一見賜官即禮貌地除掉冷帽，亮出光頭。二人握手及傾談了一會，賜官便從銀包拿出一個厚厚的信封遞給潘紹聰，估計是銀紙，潘紹聰立即彈開，耍手示意不用，糾纏了一會，賜官最後收回。

之後二人再行返去百德新街方向，會合一名女友人，上了一楝大廈內，原來賜官最近邀請潘紹聰為一個收費講座「香港的靈異事件」做嘉賓，潘紹聰今日接受《蘋果》訪問，坦言沒有收取酬勞，說：「對呀，我沒有收他的酬勞，當支持前輩去傾下偈好了。」

採訪、攝影：黃曉程

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇