關楚耀最近幫有線主持飲食節目，問佢會唔會喺節目內，好似馮美基主持嘅《MAY姐有請》咁，成日「哈哈」笑呢？關楚耀就即刻哈哈笑幾聲，仲話：「我哋個節目有好多戲劇係裡面，亦都有松岡李那做拍檔，不過佢有時言語溝通唔到，當我哋講對白時，佢就會笑，所以工作人員都封佢為『CABLEMAY姐』，因為佢笑聲好大聲。」

咁0依家拍飲食節目係唔係多咗壓力？關楚耀話：「其實今次拍飲食節目因為反應好，已經由13集加到21集，大家放咗好多心機，又有戲劇性嘅嘢，之前仲扮鬼扮馬去海洋公園玩萬聖節，我仲扮我鍾意嘅小丑，有好多變化喺裡面，落妝時都唔捨得，好似入咗角色，好變態咁。」

關楚耀今年主力拍劇拍戲同做主持工作，佢希望出年能放多啲時間喺音樂上面，工作方面能百花齊放。