【狗仔出更】周國賢三父女喪撳手機 韓妻超巿忙畀錢
喪撳手機滿臉鬚根李美英超巿周國賢狗仔出更渣甸山
已婚音樂人周國賢從來對婚姻狀況都好公開,佢同韓籍太太李美英喺01年結婚,先後生咗三個女,分別係16歲長女Clara、10歲二女Rachel同8歲幼女Elisia。周國賢早習慣一屋女人,身為一家之主,佢當然要照顧妻女妥妥貼貼。周國賢13年曾同助手傳緋聞,一度激嬲太太,有傳老婆一氣之下更帶三女搬去加拿大生活,周國賢當然跟實o氹番老婆,仲同助手劃清界線。周國賢同妻女生活好低調。
日前一個周末,周國賢就同老婆李美英,帶住兩個女去渣甸山嗰間超巿買餸同家品。估計呢兩個係二女Rachel同幼女Elisia,兩姊妹感情好好,佢哋都着住短褲晒靚腳,盡顯青春無敵。
當時約4點,周國賢同妻女都行完超巿,揀咗成架手推車食物同家品,去咗排隊等畀錢,收銀員等顧客將東西放上輸送帶等收錢,周國賢竟然係玩電話冇幫手,兩個女學埋爹哋,有樣學樣,掛住做低頭族,剩番阿媽自己係咁拎啲東西去交畀收銀員過機,畀完錢,佢哋一行就帶埋買嘅嘢拎落停車場,佢哋買咗咁多嘢,唔知係咪諗住返歸煮大餐?
去到停車場,周國賢終於肯盡吓丈夫責任,佢將食物同家品慢慢放入車尾箱,可能唔使出鏡關係,周國賢滿臉鬚根,顯得有啲不修邊幅。
精選娛聞,喺晒《娛果》
http://fb.com/appledailyent