馮克安昨日病逝，跟他相識超過四十年的洪金寶昨日在電話中說：「知佢病咗一段時間，畀病魔折磨好耐吓，之前有試過介紹醫生畀佢，但好似冇乜用。同佢都識咗幾十年，𠵱家佢死咗，當然可惜。」導演邱禮濤與馮克安合作過《性工作者2我不賣身．我賣子宮》等電影，他在電話中說：「大約半年前元彪嫁女擺酒見過佢，原本之前我部《選老頂》都搵佢演，佢問我介唔介意佢把聲唔太好，最後因為身體問題冇演。佢係一位好好前輩，好提拔後輩。」
甄子丹曾與馮克安合作拍過《錦衣衞》和《葉問2：宗師傳奇》，身在內地的他表示：「佢係一位好健談嘅前輩，同佢合作時，覺得佢功夫好了得。」元華也說：「三個月前先喺一個飯局見過佢，當時佢坐輪椅，精神唔錯，只係中完風說話有啲唔清楚。」

錢嘉樂：好前輩

錢嘉樂談到這位前輩時說：「我識咗克哥三十幾年，喺我眼中佢係一個好照顧同行同後輩嘅動作指導，我哋工會喺年初三嘅春茗，頒咗一個傑出貢獻獎畀克哥，表揚佢對電影咁多年既貢獻。」劉德華更說：「從他童星到最近葉問演出，都很難忘。」
採訪：鍾國仁