現年23歲嘅坂口健太郎，唔止係日本雜誌《MEN'SNON-NO》嘅首席男模，佢呢兩年仲成為影壇新貴，今年共有6套參演電影排隊上映。

坂口健太郎有份參演嘅矚目新片《海街女孩日記》下月開畫，而佢夥拍桐谷美玲、山崎賢人嘅青春片《女主角失格》都就快上映，相信夏天後可以令佢知名度大增。

廣告方面，坂口都係接唔停手，佢最近就為咖啡連鎖店拍廣告，今次竟然唔使用手代言，仲將飲品袋喺衫袋，好一招「袋住先」嘅屎橋。