講到黑仔馬，方廐「喜發龍」必屬其一，皆因呢匹馬成日跑得近，但都只係得一W。另外，呢隻馬亦試過兩次墮馬意外而搞到過唔到終點，第一次係前季尾，當然真正墮馬嘅冇「喜發龍」份，但佢就因為其他馬墮馬而被拉停；另一次係上季，呢次輪到佢墮馬，除咗騎師蔡明紹受傷外，「喜發龍」都搞到左前蹄及右前蹄受傷，真陰公！不過呢隻陰公馬到今日就宣布退役，可以告別黑仔馬生涯。