【經歷酒駕風波】陳喬恩與男伴蜜遊美國 原來一早許下「婚約」
婚約陳正飛陳喬恩
如果一個朋友願意為你許下諾言,即使呢個諾言最終有冇兌現,呢位朋友都會係你一生中珍惜一輩子嘅人,陳喬恩今年1月因酒駕被捕,獲緩刑2年,並要求陳喬恩必須於一年半內,提供60小時嘅社會服務令,事件令陳喬恩形象受損,經歷過酒駕風波,陳喬恩同「閨密」陳正飛去美國旅行。
今日有台灣報道指,有網民見到陳喬恩日前同陳正飛出遊,個男伴仲好細心照顧,一時幫忙陳喬恩着外套,一時又舉止親暱,其實近日陳喬恩都有喺微博po出風景相,而陳正飛都於微博貼出旅遊相,被爆一同密遊後,未知咩原因,陳喬恩忽然刪除啲度假post。
唔少網民都忍唔住問佢哋交情長達16年,只係純友誼嗎,亦有網民想佢哋關係再進一步,據知二人早已許下「婚約」,陳正飛於四年前喺陳喬恩生日會上,當眾單膝跪地,向陳喬恩表白,事後佢又搞笑咁講「很久以前她說,她35歲的時候,她未嫁、我未娶,我們就結婚。剛好2014年的時候,她是35歲,我跪下說,我們能不能把這個時間往後延一下」,唔知今次係「閨密遊」定係關係更上一層樓。