李佳芯Ali早前因呼籲網民「登記做選民」，被內地五毛指鼓吹港獨，結果有傳被大台封殺兼踢入雪櫃雪藏，就連已準備開拍續集的電視劇《BB來了》，亦都要全部易角，不但女主角由Ali換成岑麗香，男主角都無得留低，將由馬國明頂替黎諾懿。而黎諾懿被問到《BB來了》續集易角一事，表示如果續集換角，未夠原汁原味，只可當全新故事睇，仲認為拍續集有壓力，依家反而有美好回憶。

雖然無得拍《BB來了》續集，不過黎諾懿瓣數多，唔單只有其他劇拍，亦有主持節目，相反Ali就未有咁樂觀，雖然「出櫃」無期，但Ali繼續上載靚相刊社交平台之餘，亦不忘自我鼓勵，每每附有打氣語句，例如「把歷練化作禮物．懂得感恩，到處皆是禮物」、「能夠學習是福，是值得花一生時間去做的事。學習新知識、學習去接納、學習如何學習，學習成就更好的自己」，實行希望在明天。

9月2日起升級條件將更新 繼續每月撐壹仔 講真心話撐住我香港！