今日電影《老笠便利店》喺葵涌進行拍攝，港版Ironman郭偉亮(EricKwok)，喺戲入面就就做一個大亨，同崔碧珈有好多親熱戲，之前仲有一場「揸胸」戲。Eric被問到該場戲究竟拍成點？佢辯稱：「嗰個唔係我，嗰個係大亨，同我真人唔同，總之我好專重女性。」

之後EricKwok就詳談當日拍攝情況話：「導演話如果我再唔投入會不斷叫NG，當時我就唔諗咁多，一下就做，都有啲唔好意思，最後5take搞掂。」Eric表示每次同崔碧珈拍完戲，回家後老婆葉佩雯都會有說話俾佢聽，不過Eric感激太太對自己嘅開通和專業。