當年今日
關於我們

【林欣彤派檸檬】軒仔自封「教主」創自動收皮系統 許廷鏗:個樣算失禮

蘋果日報 2017/06/15 19:40

許廷鏗張敬軒林欣彤

每次有啲大型騷,總係有啲嘢睇,好似楊怡藐爆胡定欣、馬明九秒九變天然呆、容祖兒聽到Ivana奪「勁歌金曲金獎」即O嘴,呢啲都係一瞬間發生!!!
噚日有網民拎番林欣彤嘅舊片出嚟「重溫」,焦點落咗喺張敬軒同許廷鏗身上,二人同時食「檸檬」,事緣林欣彤喺2015年憑《我們都是這樣長大的》拎勁歌金曲獎,當時吳若希忽然伸手想同林欣彤握手,林欣彤俾唔切反應,場面有啲尷尬,吳若希握完手都有啲面紅,而軒仔同許廷鏗都想同林欣彤握手,點知雙手合十嘅林欣彤就直行走咗,就算許廷鏗雙手揈晒,林欣彤都睇唔到,條片更慢鏡播出軒仔「食完檸檬」嘅無奈樣兼縮手。
網民將軒仔同許廷鏗嘅「遭遇」形容為Group chat,講嘢冇人理同dead air嘅現象,更打hashtag「GroupChat終結者揮手區」、「俾人直接ignore」。
今日兩位「主角」軒仔同許廷鏗亦以抵死搞gag方法回應網民……
軒仔下午喺Ig轉貼呢條舊片,自封係「檸檬電腦」教主,更自稱係蘋果電腦嘅情敵,又扮晒產品發佈會,介紹吓系統功能,包括有「全新自動收皮系統」(autoskincollector 2.0),呢個「功能」係可以令佢自己嘅皮九秒九自動回收,「慢慢去收又得,立即去收又得」,軒仔笑言自己係咪已經歸入靈界歌手,唱過so靈情歌,撞正林欣彤史上時運最高,眼大睇過龍先睇唔到,更多謝林欣彤個檸檬,令軒仔體內有好多維他命C,佢仲打tag「#咼典li個髻#烟有頭債有紙#li睇字嚟#咼會爆巢」。
軒仔又話呢條舊片「食完檸檬嘅秘訣」,就係要即刻好似隔離個點解姐(吳若希)同牙醫(許廷鏗)咁拍手,同成個大環境融入,心諗冇嘢嘅,幻覺嚟嘅啫。擺明拎林欣彤嚟講笑!
而許廷鏗剛才睇完軒仔回應,佢都有喺Ig轉貼條片,講明唔repost唔得,笑言原來呢一幕有咁多嘢睇 ,形容林欣彤係「一家炒三家」,指吳若希食完檸檬算得體,軒仔固然慘,許廷鏗仲話自己都唔惹少,「大佬差啲要lur地先見到我」、「呢個樣都算失禮」,難怪許廷鏗反問林欣彤使唔使咁趕。
empty
網民重溫林欣彤喺2015年憑《我們都是這樣長大的》拎勁歌金曲獎嘅一幕…
empty
先係吳若希想握手,林欣彤差啲睇唔到。(無綫電視截圖)
empty
林欣彤行過,軒仔遞手,林欣彤亦睇唔到…(無綫電視截圖)
empty
就連許廷鏗雙手揈晒,林欣彤都睇唔到,一次過派三個「檸檬」!(無綫電視截圖)
empty
今日許廷鏗回應呢件事。(Instagram截圖)
empty
軒仔忍唔住抽自己水…(Instagram截圖)
empty
Ivana早前憑歌曲《留白》奪得勁歌金曲金獎,容祖兒喺宣布獎項時「O嘴」。(無綫電視截圖)
empty
2010年萬千星輝頒獎典禮中,楊怡疑「藐」身旁嘅胡定欣,不屑地避開,轉去右邊同子珊傾偈。(無綫電視截圖)
empty
2012年萬千星輝頒獎典禮中,宣佈黎耀祥當選「視帝」時,馬國明即施展其天然呆。(無綫電視截圖)