【屯馬綫通車】啟德一萬蚊租盤絕迹 居民：「港鐵縱容警暴，盡量減少乘搭」
蘋果日報 2020/02/14 00:00
啟德啟德1號天寰龍譽屯馬綫
屯馬綫一期今日情人節通車，三個新車站包括顯徑站、鑽石山站擴建部份和啟德站將投入服務。其中啟德站周邊多個新興屋苑，隨着入伙高峰期過去及地鐵通車，租金有望谷底反彈，「啟德已冇一萬蚊租盤」，入場費逼近1.5萬元，較低位回升四成。啟德站通車，不少啟德居民都感到開心，但有居民稱，「本來都好期待，但社會運動後，港鐵社會形象唔好，會盡量減少乘搭」。
啟德發展區數年前仍是荒蕪一片，沙中線尚未通車前，多個大型屋苑已率先入伙，涉及逾4,400伙，對已入住的「開荒牛」而言，居住環境沙塵滾滾，而且交通配套不足如孤島，令租金低殘，全新樓租金低見一萬元，一度平絕全港新盤。去年同時有四個樓盤入伙，包括天寰、龍譽、OASIS KAI TAK及嘉匯，業主收樓後為盡快出租，不惜鬥平價吸客。該四個樓盤，去年全年共錄得逾千宗租務成交，佔單位總數3,300伙的30%。其中龍譽最細二百餘方呎開放式單位，月租曾低見1.05萬元。
隨着入伙高峯期過去，連同最早入伙的啟德1號，目前啟德租盤供應量已由高峯期逾500個，跌穿100個水平，僅約83個，跌幅逾八成，令租金穩步企穩。當中嘉匯佔23個，已是最多租盤屋苑，與舊年1月剛收樓時有280個租盤的數字比較，跌幅更逾九成。美聯物業陳維進稱，「啟德已冇一萬蚊租盤」，開放式單位更鬧盤荒，暫時僅龍譽一個放盤，為1A座中層C室，實用面積245方呎，業主開價1.45萬元。去年4月，屋苑同類單位成交價僅1.05萬元，不足一年升幅38%，即租客一年多付4.8萬元租金，可謂早租早享受，遲租貴幾萬。而嘉匯兩房單位，去年最平1.4萬元有交易，現時入場費上升兩成至1.7萬元。陳維進預計屯門綫通車後，啟德今年租金升幅約兩成。
美聯物業鄧浩然表示，「啟德1號入伙嗰陣荒蕪一片，乜嘢交通配套都冇，一房月租只係萬三，但而家成交價已去到萬五至萬六，有啲業主見通車後，叫價想提高至1.6萬至1.65萬元。」他認為，啟德只是差在交通配套，相信當地鐵通車後，而區內一手供應不多，今年樓價睇升5%至10%。
直擊啟德1號鎖匙盤 業主加租一成
啟德租盤現加價潮。本報直擊啟德一號3座高層H室租盤，實用面積375方呎，裝修新淨，開放式廚房，客廳附設露台，一房間隔，浴室設於睡房內以套房設計。鄧浩然稱，業主為收租投資者，對上租金1.5萬元，租客剛搬走，業主看好通車前景，現加價一成至1.65萬元放租。
啟德站通車，區內居民普遍期待。現年20多歲、家住啟晴邨的何先生稱，地鐵通車對居民是好事，「平時想搭地鐵，要行兩個字去彩虹，通咗車方便好多，夏天唔使咁熱，咁辛苦。」被問到啟德終於通車了，心情期待嗎？他「ER」了兩秒回答，「都算算哋期待啦，因為都無辦法，本身期待嘅，但因為社會運動港鐵形象唔係咁好，如講用途方便就OK嘅，但對公司形象麻麻哋，所以可能會搭吓，但唔會成日搭。」他又認為，「港鐵公司畀人嘅印象係..企喺政府...即係點講，支持佢哋嘅警暴囉，縱容佢哋警暴，之前太子站呀，咁多個站任由警方衝入嚟打市民，令到人哋無咁支持呢間公司。何先生又指自從社會運動後，自己很少乘搭港鐵，盡量搭巴士，乘搭次數由以前每星期五天，減至現時每星期一至兩日，趕時間才會搭，始終地鐵時間預算較好。
中六學生鍾先生與家人現租住啟德1號一個兩房單位，對於啟德站通車，鍾同學「有啲期待」，「交通方便咗啲，唔使下下走去新蒲崗或啟晴邨搭車」。他與家人本來居於黃大仙，搬來啟德1號已有一年多，鍾同學亦指家人是貪這邊租金便宜，「六百幾呎但萬九蚊，嗰時我阿媽諗住啟德有發展潛質，所以搬來住吓。」而其家人不買樓的原因，「經濟唔係咁明朗，所以租樓慳住錢先。」他相信，啟德通車後，因為交通方便了，自然會吸引買家投資，「我覺得樓價可能升10%至20%左近啩，我唔係咁肯定」。若樓價繼續上升，豈不是更難買樓?同學仔就話，「呢層我就唔肯定啦，我都無乜點理，問我阿爸阿媽好啲啦。」
業界普遍認為，啟德站通車後，同區樓價會受到帶動，但啟德1號住客郭先生卻不認同。他說，「都唔係吖，買嗰時已知有地鐵o架啦，無理由而家話開咗你先話對樓價有幫助，已經反映咗。」樓盤開售時已知道將來有地鐵，只不過是通車時間已而，「（樓價）高都係炒！」目前同區新盤呎價動不動兩、三萬元，郭先生認為不值，指區內新盤很細，「唔係咁值，不過係市區，同埋第時可能起多啲仲逼狹。」他笑稱，啟德並不是豪宅區，只是價錢炒到豪宅價。
對於疫情持樓市影響，郭先生稱，香港樓價高企，正常會回落，「以經驗來計，唔通繼續上返去三、四萬點」。郭先生的女兒是屋苑業主，以近1,000萬元購入一個兩房單位。他們居住這兒大約兩年，郭先生覺得住落OK，只是交通配套較差，地鐵通車後，就會很好多。
記者：朱連峰