日本女星酒井法子幾年前驚爆吸毒被捕後，健康形象跌至谷底，復出之後佢近年靠發展大中華市場，噚日佢亮相電台節目受訪，透露近日喜歡閱讀關於佛理嘅書籍，亦愛走訪各地寺廟，追求內心平靜。

噚日嘅電台節目由石田純一做主持，酒井於經典作品《同一屋簷下》就曾與石田純一兒子石田壹成合作，涉及年齡敏感話題，酒井話：「我們20幾年前合作過，哈哈哈！」

酒井又提到最近愛上走訪各地寺廟，日前有空檔就去咗位於北鎌倉嘅圓覺寺參拜，同時佢又提到近日睇咗唔少關於佛教嘅書籍：「我的人生發生了很多不同的事，每天都生活在不同的糾葛之中，因此需要讓心靈有沈澱的空間。」

精選娛聞，喺晒《娛果》
http://fb.com/appledailyent