何廐今季有14場頭馬由華將策騎勝出，佔馬房頭馬總數三分之二，可見練者培育及扶持華將不遺餘力。今期（10日）沙田日賽四匹何廐馬，都配華將上陣，其中第二場「喜盈運」及第五場「愛添滿」，減分多兼近況出色，值得吼實。

第二場四班泥地1800米，「喜盈運」兩歲時在澳洲贏過兩場，但來港後至今25戰，只得三亞兩季，評分由插班時73分，減至目前48分。翻查資料，此駒在澳洲贏過1600米表列賽，當時由年過五十歲的老將Darren　Gauci策騎，中段發力上前，直路先發制人直奔終點。不過，此馬來港後經常由大師傅騎，但前中段總是留得太後，終點前姍姍來遲。

「喜盈運」今次改由巫顯東策騎，騎練季內合作贏八場，而且泥地賽合作屢有佳作，如近兩季贏馬的「都靈明珠」（已退役）、「太陽旺旺」、「怪獸都市」及「怪獸剋星」等。「喜盈運」評分已減至新低，今仗配巫顯東再減五磅，只孭118磅，兼且排二檔有利，尚未出頭馬鬥志好，可以信賴。

第五場三班1000米，實力馬「帆哥兒」及「美麗天驕」相繼退出，群龍無首的亂局，賽事水準極低。何良馬房的「愛添滿」在澳洲贏過三級賽，但賽事水準唔高，來港編87分嫌高，所以至今連輸12仗，上陣未夠一年已經減了21分，目前66分是在港新低。

話雖如此，「愛添滿」好歹也是澳洲冠軍種馬Snitzel子嗣，兼且在外地贏過三場，絕對有基本的競賽能力，而今季已經跑過十場，出賽頻率正常，證明健康良好，今次賽前晨課內圈踱步及快跳，全部由蘇狄雄負責，動態絕不尋常。

而且，幕後關係密切的「動力爆發」及「愛添勝」，季內跑直路賽都突如其來跑得好，「愛添滿」今仗轉爭直路賽，部署滿肚密圈，難得今場遇上一批弱對手，肯定會把握贏馬開齋的黃金機會。

-----------------------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef