【反歧視要團結】幫理不幫親 英非聯賽有球員幫敵軍鬧自家球迷
蘋果日報 2019/09/22 19:15
哈特普爾英格蘭非聯賽多佛英國足球
多佛球員遭種族歧視後與主隊球迷對罵
近一兩年，體壇雖然好多反種族歧視運動同標語，但唔單止用處唔大，反而仲多咗一批無恥之徒擺明搞對抗；但面對球迷呢啲行為，無論你係邊隊球員，都應該企喺真理一方。
英格蘭非聯賽球隊多佛，喺周六作客贏哈特普爾2:0場波，就發生球迷向球員種族歧視，結果導致兩方對罵。事緣多佛喺比賽中靠黑人前鋒艾菲安入波，慶祝期間就聽到主隊球迷扮馬騮叫，結果令到多佛班黑人球員非常憤怒，結果就同部分球迷喺場邊互鬧，後尾連主隊哈特普爾班黑人球員都睇唔過眼，亦同自己班球迷口角衝突。
球賽評述同雙方球員都喺網上鬧爆哈特普爾球迷，仲話如果隊內部份黑人球員都感到受辱，選擇離開呢間球會都係可以理解嘅。