【3號風球出街？】 6個月宋熙年變身辣媽 撇低囝囝孖老公陳智燊撐枱腳
蘋果日報 2020/06/14 13:00
陳智燊宋熙年3號風球
（IG圖片）
陳智燊（Jason）與宋熙年（Sarah）於前年生下囝囝Damon，今年3月二人宣佈再有喜訊，將再做父母，不過由於疫情其間，Sarah大部份都是留在家中湊仔，就算出外工作，都重裝防疫，而Jason就透露疫情過後會帶老婆外出。
Sarah昨晚就貼了新相在IG，疑似3號風球「鸚鵡」懸掛下出街，她更悉心盛裝外出，穿了一件黑色緊身裙，盡顯上圍、巨肚的曲線，而她陀B手腳依然纖瘦，肥肚不肥身，她在帖文以英文留言：「Enjoying more date nights before baby 2 arrives...」，意指趁第2名BB未出世時，要享受多一點晚間約會，她更hashtag「#throughhiseyes」，即是老公的視角，由Jason負責拍攝。除了貼大肚相，她更透露約會晚餐的食物，就是吃烤雞，而烤雞內裡更釀了藜麥飯，食得相當健康。《蘋果》今日聯絡了Sarah，她表示：「相片是上周影，終於可以同Jason出去撐枱腳，之前因為疫情之前冇乜點出街，所以就可以扮吓靚好開心，所以要快啲拍多幾次拖。」此外，Jason亦有貼了一張揸車的單人照，留言自己長不大，就算有了BB，都想擁有2人座位的跑車，感受遊車河的樂趣。
不少圈中媽媽都有留言給Like，陳敏芝就大讚她：「Still very slim and fit」，而岑麗香就讚她美麗，而李佳芯、胡杏兒、楊秀惠、王君馨都讚她是「sexy mom」、「Hot mama」等。
由於疫情，宋熙年大部份時間留在家中安胎，所以難得出街盛裝打扮（IG圖片）
已陀B有6個月的她，肥肚不肥身，不少圈中友人都留言大讚她索及性感（IG圖片）
烤雞釀藜麥飯，食得健康（IG截圖）
Jason自言做了爸爸，仍然想擁有兩座位的跑車（IG圖片）
留在家中時，宋熙年素顏便服打扮
大仔Damon就快兩歲（IG圖片）
宋熙年有工作才外出，工作時重裝防疫（IG圖片）