今日42歲生日嘅陳曉東，難得在港度生日，與一眾歌迷眾舊，喺尖沙嘴一間洒店舉行「陳曉東時間做證生日聚會」，與三百名來自中港台及星馬等地Fans跟東東慶祝生日。

東東已經十幾年無喺香港舉行生日聚會，今日嘅場面已令佢非常感動。有啲歌迷帶埋佢咃嘅第二代嚟，最後Fans送上巨型生日卡及用LEGO砌成紅館模型，及燒豬形狀嘅生日蛋糕，全埸Fans再吶喊：「紅館開騷！」東東感動之餘亦強忍淚水，更感激一班Fans悉心安排。

東東謂今早已經收到兩個寶貝女嘅生日祝福，眾Fans祝願他紅館開騷，東東指多年來Fans都不時查問，佢亦表示係生日願望之一，佢話：「一路都有入紙，但未成功，而且要一年前入紙，今次有另一個大場地預留咗日子畀我，如果做到規模如紅館，但仍然洽談細節，我亦度緊舞台同主題。」

至於會否為兩個女再添弟妹，東東指暫時未會，因為照顧兩囡已經好忙，佢話：「小朋友開始發展自己性格，而每個階段改變同細節我都會留意，同太太經常溝通，可能有時太太見唔到我會好難過，不過太太好體諒我。」