【黑到咁】自從佢加盟 西布朗再無贏波?
英超西布朗基蘭基比斯巴利
今年暑假,自從一位球員加盟,仲開始打正選之後,西布朗就冇贏過波,究竟佢係邊個?講緊嘅就係前阿仙奴左閘基蘭基比斯。
英超一開季時,西布朗都試過兩連勝,但自至基蘭基比斯係8月尾加盟,再係9月9日第一次為西布朗上陣後,西布朗就再冇贏過。今季基比斯各項戰線為西布朗上陣16次,西布朗就不勝足16場,認真黑仔,唔知佢會唔會後悔加盟西布朗呢?不過,講真羸唔到波又邊關基比斯事,入唔到波先係大件事。周日晚對曼聯嘅比賽巴利嘅入波,先係近四場第一個入球,認真陰功。
-------------------
狂賀!BFB系列推出5周年,精彩活動為您安排,立即登入速享專屬優惠! http://bit.ly/2xrTKG