收咗亞視三千蚊利是用嚟打電話同剪頭髮(葉家寶噚日話嘅)嘅張傳奇Legend張，依家終於平平安安返到家鄉。「衣錦榮歸」，又開工喇。先嚟幫深圳一間曬燈中心半裸賣廣告，廣告商仲喺微博寫道﹕「歡迎亞洲先生凱旋歸來﹗猛男先生就是你，張傳奇﹗」傳奇哥都賣番廣告回應話﹕「今天剛換燈管，很給力啊﹗」

之前提過古天樂話自己都有睇呢位「深圳古天樂」選亞洲先生；而堅決否認整容整到似古仔嘅Legend，都有睇番古仔點講自己。Legend喺微博寫道﹕「看到古天樂為自己加油打氣真的是很開心！同樣我也會努力！希望媒體記者不要在採訪的時候因為提到我給他帶來困擾和麻煩！在這裏跟古仔說聲對不起！希望他泰國拍戲一切都順利，你是最棒的！」