當年今日
關於我們

【《喱騷》幫轉播】杜汶澤恥笑TVB少人睇 停播港台節目冇影響

蘋果日報 2020/03/04 17:50

TVB杜汶澤通訊局頭條新聞港台喱騷

通訊事務管理局今日公佈,撤銷向本地免費電視節目服務持牌機構發出須播放香港電台節目的指示。根據免費電視牌照條件,現時無綫與ViuTV每周在其綜合中文頻道分別播放3.5小時及2.5小時港台節目。通訊局表示今年1月9日收到無綫提出免除播放港台節目的要求,理由是港台的電視頻道已達全港99%的人口,覆蓋率媲美其他商營電視台。
事件令人聯想到在條例撤銷後,近日遭到警方投訴及建制打壓的港台節目《頭條新聞》,極大機會在無綫節目表中消失。《喱騷》的杜汶澤今日接受《蘋果》訪問時表示各方不用擔心,他說︰「哦,第一件事唔使太擔心先啦,TVB都冇人睇嘅。只不過係整個政權同下一代過唔去之嘛,睇TVB啲人佢老咗會死,冇新嚟㗎。」阿澤對香港前途非常樂觀,因為有共產黨這種豬對手,阿澤補充話︰「其實你問我,我假設喺革命路上,港台其實某程度上係幫咗人民疏導怨氣。你問我根本就係幫咗政府,一切政治節目、搞笑都令到民怨疏導。好簡單你打我工,我唔畀你笑X我,你遲早反我,呢個政權最戇X。」
被問到是否對言論自由的打壓,阿澤謂要做就隨便,今時今日港共政權已經去到任意妄為︰「周街打露宿者X袋又得,見到啲人唔喜歡嘅,用胡椒噴霧射佢又得,捉佢返差館慢慢玩又得,冇惡不作有乜嘢做唔出吖,你要做咪即管做囉,根本係要同呢代人過唔去。唔使擔心,TVB啲啲冇人睇,港共政權慳啲啦。而家所有後生仔都係睇網啦,有本事你封facebook,有本事你封Instagram,有本事就封港台,做埋啲冇謂嘢、小動作,真係嚇死我,好驚呀!」
另外,阿澤在fb開帖反問:「吓?TVB以後唔使播港台節目?咁又點呀?有乜影響呀?乜TVB好多人睇嘅咩?」《喱騷》為撐港台,在FB宣佈轉幫轉發港台FB專頁上載的節目,增加瀏覽量。
-----------------------------
第三屆最港電影大獎
按此立即投票
-----------------------------
《果GYM》隨身播  健身壹App過!
empty
empty
阿澤開帖笑TVB沒人收看。(fb圖片)