【新增動新聞】
曼城禮拜二晚喺英格蘭聯賽盃半準決賽踢到加時同互射12碼，幾經辛苦先至淘汰李斯特城踢入4強，藍月亮領隊哥迪奧拿賽後話自己「好好好好好開心」（so, so, so, so so, happy）。

呢位西班牙籍主帥話：「我最開心嘅係球員喺李城追平之後嘅回應，克服咗呢個困局，呢個對未來係一個好好嘅指標。」曼城依家喺英超領放11分，英聯盃入咗準決賽，英足盃會喺第3圈開始比賽，另外歐聯已經入咗16強，會同瑞士嘅巴素利爭晉級。被問到曼城喺今季成為四冠王嘅機會時，哥帥答：「唔使諗喇，呢樣嘢係唔會發生㗎！」

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM