【冧莊最討厭夫婦】木村現身談動盪一年 感謝家人支持

蘋果日報 2017/12/22 13:15

SMAP木村拓哉工藤靜香
    日本前組合SMAP已經解散，昔日風頭躉木村拓哉被指反骨，仲係搞到SMAP不和嘅罪魁禍首，隨着香取慎吾、草彅剛、稻垣吾郎告別尊尼事務所，令SMAP正式已成過去。
    木村是非不絕，令佢同老婆工藤靜香，連續兩年被日本雜誌《週刊文春》嘅讀者選為「最討厭夫婦」冠軍。目前，木村趕拍下月首播嘅朝日電視台新劇《BG~身邊警護人》，今次佢首次挑戰保鑣角色，夥拍江口洋介、石田百合子、齋藤工、菜菜緒等強勁陣容演出。
    當地雜誌《Friday》追訪日前在街頭取景嘅木村，當日佢穿上一身白色便服為《BG~身邊警護人》開工，當記者上前追問近況時，木村初時有點驚訝，之後佢亦友善受訪，問到過去一年嘅變化，木村笑住話：「如果冇變化咪仲奇怪吧！」佢形容2017忙於拍戲及拍劇，當單飛後已冇乜機會再見合作多年嘅一眾綜藝節目人員，承認跟舊隊友中居正廣已冇聯絡，但就話彼此沒有不和，亦會為離巢三子打氣，因為覺得大家並非敵人。當記者再問鬧出風波後，係咪多得家人支持？木村回應：「呢點當然冇錯，還有去到工作現場，每位員工及拍檔，包括期待《BG~身邊警護人》嘅每一位都好重要。」
    更多娛果，喺晒《娛果》
    http://fb.com/appledailyent
    empty
    木村在街頭趕拍新劇《BG~身邊警護人》。
    empty
    木村與工藤靜香連續兩年慘封「最討厭夫婦」冠軍。